പണികൊടുക്കാന്ന് പറഞ്ഞാല് ഇങ്ങനെ വേണം. പണിയാന് ഒരുങ്ങുന്നവര്ക്ക് പ്രത്യേകിച്ച് രാഷ്ടീയക്കാര്ക്ക് എക്കാലത്തെക്കും ഒരു മാതൃകാ സംഭവം ആണ് മനുഅഭിഷേക് സിംഗ്വിയിലൂടെ കോണ്ഗ്രസ്സുകാര്ക്ക് കിട്ടിയ പണി. മാര്ക്കിസ്റ്റുകാരെ സൂചീമ്മെ നിര്ത്തി പൊരിക്കായിരുന്നു കേരളത്തിലെ മുന് നിര മാധ്യമങ്ങളും കോണ്ഗ്രസ്സിലെ ഭാവി മന്ത്രിയാകുവാന് വരെ തയ്യാറായി വാര്ത്തകളില് സജീവമായിനടക്കുന്ന സതീശനുമൊക്കെ. ഉരുളക്ക് ഉപ്പേരി നല്കണ ഉമ്മന് സാറും, സുന്ദരക്കുട്ടന് രമേശനും ഒക്കെ എന്തായിരുന്നു ആര്മാദിക്കല്. ചര്ച്ച, വിവാദം, സംവാദം എന്നൊക്കെ പറഞ്ഞ് കണ്ടയിടത്തൊക്കെ വച്ച് ഐസക്കിനെ ഒറ്റക്കിട്ട് മെക്കിട്ടു കേറി. കൂടെ സഹായത്തിനു പാര്ടിയില് നിന്നും കൂടുതല് ആളൊന്നും ഇല്ല്ലാന്ന് കണ്ടപ്പോല് ചുള്ളന് ഇവരെ നേരിടാന് താന് ഒറ്റക്ക് മതിയെന്ന് പബ്ലിക്കായി പറഞ്ഞ് സ്വയം ആശ്വസിപ്പിച്ചു.
കേന്ദ്രത്തെ കുറ്റം പറഞ്ഞ് ഐസക്കും കേരളത്തെ കുറ്റം പറഞ്ഞ് വി.ഡി സതീശനും സംവദിച്ചപ്പോള് ചാനലുകാര്ക്കതൊരു ഉത്സവമായി. ഉത്സവം കൊണ്ടാടിയതിന്റെ ആഘോഷം പൊടിപൊടിക്കുന്നതിന്റെ ഇടയിലാണ് പണിയുമായി ദില്ലിയില് നിന്നും സിങ്വിയെന്ന പുള്ളിക്കാരന് പ്ലേന് ഇറങ്ങിയത്. ഇറങ്ങിയപാടെ ഇദ്യേഹത്തെ ഇവിടുള്ളവര് ഉപദേശിച്ചൂത്രെ പ്ലീസ് പോകരുത്. കോടതിയില് നിങ്ങള് ഹാജരായല് ഞങ്ങള് കെട്ടിപ്പൊക്കിയ ലോട്ടറി വിവാദ കൊട്ടാരം പൊട്ടിവീഴും. എന്നാല് വാങ്ങിയ പണത്തിന്റെ പണി പുള്ളി ചെയ്തു.
കേസുവാദിക്കാന് കോടികള് വാങ്ങുന്ന വക്കീലന്മാര് ഇന്ത്യാമഹാരാജ്യത്ത് ഇല്ലാഞ്ഞിട്ടൊന്നുമല്ല സിങ്വി അദ്യേഹത്തെ കൊണ്ടന്നത്. പിന്നെ എന്താ ഈ സിങ്വിഅദ്യേഹത്തിന്റെ പ്രത്യേകത എന്ന് ചോദിച്ചാല് അദ്യേം കോണ്ഗ്രസ്സിന്റെ അഖിലേന്ത്യാ വക്താവെന്നത് തന്നെ. ആ ചിരിക്കണ മുഖം ഒന്ന് കേരളത്തില് കേസുവാദിക്കാന് എത്തിക്കിട്ടിയാല് മാത്രം മതി എത്ര കോടി വേണേലും മുടക്കാന് ആള്ക്കാര് തയ്യാര്!! ഇവിടെ ചിരിച്ച് നടക്കുന്നവരുടെ മോന്തയില് പിന്നെ ചിരി പ്രിന്റെടുത്ത് ഒട്ടിക്കേണ്ടിവരും എന്ന് അറിഞ്ഞുതന്നെ ആകണം അദ്യേഹത്തെ കൊണ്ടന്നത്. കൊടുത്ത കാശ് നഷ്ടായില്ല കോണ്ഗ്രസ്സുകാരിപ്പോള് ലോട്ടിയെന്ന് കേട്ടാല് ഓണ്ത സ്പോട്ടില് സ്കൂട്ടാകണ അവസ്ഥായിലായി.
കോടി രൂപയുടെ ബംബര് ലോട്ടറിയടിച്ചവന്റെ ആഹ്ലാദം ആയിരുന്നു കോണ്ഗ്രസ്സുകാര്ക്ക്. ഇപ്പോള് അത് വ്യാജലോട്ടറിയടിച്ച അവസ്ഥായായി. അപ്പുറതോ മാര്ടിന് സാറ് ഇന്നേവരെ നടത്തിയ എല്ലാ ലോട്ടറിയും കൂടെ ഒരുമിച്ചടിച്ച പോലെ അല്ലേ ഇപ്പോള് ഐസക്ക് സാറിന്റെ സന്തോഷം. പുലിപോലെ വന്ന പുലിവാല് ഒടുക്കം പുഴുവിനെ പോലെ ആയില്ലേ? പണീന്ന് പറഞ്ഞാല് ചിമിട്ടന് പണി. പണം കൊടുത്താല് പാലക്കാട്ടുപോലും വായി കേസ് വാദിക്കും കോണ്ഗ്രസ്സ് വക്താവെന്ന് പാര്ടിക്കാര്ക്ക് പറയാന് വകുപ്പുണ്ടാക്കിക്കൊടുത്തു സിങ്വി അദ്യേം. പുകിലും പുക്കാറും ഉണ്ടാക്കിയവരുടെ പൊരേന്ന് തന്നെ പടയാളിയെ പൊക്കിയ മാര്ടിനും പുറകില് വല്ലവരും ഉണ്ടെങ്കില് അവര്ക്കും വാക്കേറിന്റെ അഭിനന്ദനങ്ങള്!!
1 comment:
കോടി രൂപയുടെ ബംബര് ലോട്ടറിയടിച്ചവന്റെ ആഹ്ലാദം ആയിരുന്നു കോണ്ഗ്രസ്സുകാര്ക്ക്. ഇപ്പോള് അത് വ്യാജലോട്ടറിയടിച്ച അവസ്ഥായായി. അപ്പുറതോ മാര്ടിന് സാറ് ഇന്നേവരെ നടത്തിയ എല്ലാ ലോട്ടറിയും കൂടെ ഒരുമിച്ചടിച്ച പോലെ അല്ലേ ഇപ്പോള് ഐസക്ക് സാറിന്റെ സന്തോഷം. പുലിപോലെ വന്ന പുലിവാല് ഒടുക്കം പുഴുവിനെ പോലെ ആയില്ലേ? പണീന്ന് പറഞ്ഞാല് ചിമിട്ടന് പണി. പണം കൊടുത്താല് പാലക്കാട്ടുപോലും വായി കേസ് വാദിക്കും കോണ്ഗ്രസ്സ് വക്താവെന്ന് പാര്ടിക്കാര്ക്ക് പറയാന് വകുപ്പുണ്ടാക്കിക്കൊടുത്തു സിങ്വി അദ്യേം. പുകിലും പുക്കാറും ഉണ്ടാക്കിയവരുടെ പൊരേന്ന് തന്നെ പടയാളിയെ പൊക്കിയ മാര്ടിനും പുറകില് വല്ലവരും ഉണ്ടെങ്കില് അവര്ക്കും വാക്കേറിന്റെ അഭിനന്ദനങ്ങള്!!
athe singvikkum martinum maarkk...kaarkkum abhinandanam nalkanam..
Post a Comment