റ്റാറ്റാ നാനോയിടെ പരസ്യത്തില്‍ ബാല്‍ക്കണിയില്‍ നിന്നു അക്ഷമയോടെ അച്ചമ്മയോട് എപ്പവരും എന്ന് ചോദിക്കണ ക്ടാവിന്റെ അവസ്ഥയിലാ‍ണ് വാക്കേറും വാക്കേറിനെ പോലെ ചിന്തിക്കുന്ന ചിലരും. മുന്‍സിപ്പാലിറ്റി ഓടയുടെ നാറുന്ന പരിസരത്തുള്ള തട്ടുകടയിലെ ചൂടുള്ള കപ്പയും ബോട്ടിയും അടിക്കണ അതേ ഫീലിങ്സിലാണ് ടി.വിയുടെ മുമ്പില്‍ ഇരുന്ന് ഇക്കാന്റെ റിയാലിറ്റി വര്‍ത്താനം കേള്‍ക്കുമ്പോള്‍. പക്ഷെ എപ്പ വരും എപ്പ വരും എന്ന ആകാംഷയാണ് മനസ്സില്‍ എപ്പോളും. പരസ്യത്തിന്റെ ബോറടി അധികം ഇല്ലാന്നുള്ളത് നേരെന്നെ പക്ഷെ ഈ കുത്തിയിരിപ്പിന്റെ ബോറടി മാറുന്നില്ല. അങ്ങേരു കായ് കൊടുത്തേന്റെയും കേസട്ടിമറിക്കാന്‍ കോട്ടിട്ടവരെ കണ്ടേന്റെയും കാര്യമേ പറയുന്നുള്ളൂ. അതോണ്ടായില്ലല്ലോ. ഒരല്പം എരിവും പുളിയും ഒക്കെ വേണ്ടെ? ഏത്..ബിരിയാണീന്റൊപ്പം രസം അതാ സ്റ്റൈലെന്ന് പറയണപോലെ കേസൊതുക്കലിന്റൊപ്പം അളിയന്റെ ലീലാവിലാസങ്ങള്‍ കൂടെ.
അളിയന്റെ അന്തിക്കളികളിലെയും അന്തപുരകേളികളിലേയും അപ്രകാശിതമായ കാര്യങ്ങള്‍ വല്ലതും അറിയുമോ ഈ അളിയന്? അങ്ങിനെ അറിയാമെങ്കില്‍ ദേ ഇനിയും അത് പഴയ “മാനസീകരോഗി” സീരിയല്‍ പോലെ നീട്ടതെ അങ്ങ് പറയൂ പ്ലീസ്. അതല്ലേല്‍ ഒരു പുസ്തകമായി എഴുതിയിറക്കിയാലും മതി കേട്ടോ. അളിയന്റെ ആത്മ കഥയെന്നോ അളിയന്റെ അസ്ലീലകഥയെന്നോ ഒക്കെ ഒരു ടൈറ്റില്‍ കൊടുത്ത് ഇറക്കിയാല്‍ അന്യായ ചിലവായിരിക്കും. ഇന്നിപ്പോള്‍ ഇരുപത്തയ്യായിരം കോപ്പിയാണ് “ഗോഡ് ഓഫ് സ്മോള്‍ തിങ്ക്സിന്റെ” മലയാള പരിഭാഷയെങ്കില്‍ ഇമ്മക്ക് ഒരു അമ്പതിനായിരം തന്നെ അങ്ങ്ട് കാച്ചാം. അണ്ണാച്ചി എയ്ന്തിരന്റെ ഓഡിയോ കാസറ്റ് വിറ്റുപോണേലും സ്പീഡില്‍ അളിയന്റെ ഐക്രീം കഥകള്‍ ഇവിടെ വിറ്റുപോകും. അല്ല അയ്‌ന്റെ എടേല് ഇങ്ങള്‍ക്ക് മലയാളം എഴുതാനും ബായിക്കാനും അറിയില്ലാന്ന് പറയുന്നത് കേട്ടു. പക്ഷേങ്കില് ഇങ്ങടെ ഇംഗ്ലീഷ് ഉസാറാ‍ണ് കേട്ടാ. അപ്പോള്‍ പിന്നെ അയ്‌ലുമതി. ഇംഗ്ലീസില്. അതാകുമ്പോള്‍ മറ്റേ കാര്യങ്ങള്‍ മടികൂടാതെ എയ്താനും പറ്റും മാത്രമല്ല മട്ടമ്പോലെ മലയാളത്തിലേക്ക് മൊഴിമാറ്റം നടത്തെം ചെയ്യാം.
ഇങ്ങളിങ്ങനെ എടയ്ക്കെടക്ക് വന്ന് ഇങ്ങനെ പറയണേന്റെ എടേല് ഒരു എസ്.എം.എസ്സൊക്കെ അയക്കാന്‍ ആള്‍ക്കാരോട് ആവശ്യപ്പെട്ടൂടെ. കുട്ടിയളിനെ പറ്റി കൂടുതല്‍ പറയണമെങ്കില്‍ നിങ്ങളുടെ സപ്പോര്‍ട് കൂടിയേ തീരൂ. അയ്ന് എസ്.എം.എസ് നിര്‍ത്താണ്ടെ അയക്ക ഫോര്‍മാറ്റ് <അളിയന് സ്പേസ് ഐസ്ക്രീം സ്പേസ് കുട്ടി> എന്ന് പറഞ്ഞങ്ങ്ട് സംഗതി ഉഷാറാക്ക്‍ന്നേ. പിന്നെ ഒരു കാര്യം ഇതിങ്ങനെ അധികം നീണ്ട് നിക്കുന്ന് തോന്നണുണ്ടാ. ഒരു പടക്കം പൊട്ട്യേപ്പോ പിള്ളാരൊക്കെ ആ വഴിക്ക് പോയി. കാറ്റുള്ളപ്പോള്‍ തൂറ്റണംന്ന് കാര്‍ന്നോന്മാര്‍ പറയണത് കേട്ടിട്ടില്ലേ.. അപ്പോ ബെക്കങ്ങ്ട് ആയ്ക്കോ.
അളിയന് അവളുടെ അടിപ്പാവാടയുടെ അടിയിലൂടെ....ആള്‍ക്കാര്‍ രസംകേറി ഇരിക്കുമ്പോള്‍ ബാക്കി ഇങ്ങള് കണ്ട് പിടിച്ചോണം എന്ന സ്റ്റൈലില്‍ ഇടയ്ക്കിടെ അങ്ങ്ട് കാച്ച്ന്ന്..ഏത്.
അയ്നും ഇയ്നൊക്കെ ഈ റിയാലിറ്റി ഷോ നടത്തണോര്‍ക്ക് ഈ‌യ്നൊരു റിയാലിറ്റി ഷോ അങ്ങ്ട് നടത്തിക്കൂടേ? അളിയന്റെ സ്റ്റാര്‍ സ്റ്റിങ്ങര്‍ എന്നൊ മറ്റോ ഒരു പേരും കൊടുക്കാം. വിജയിക്ക് ഒരു കോടി വിലയുള്ള ഒരു ഐസ്ക്രീം വാണീഭ കേന്ദ്രം സമ്മാനം. അനുയായികള്‍ ഒക്കെ അയ്യോ ടാ ഇത്‌ഇമ്മടെ പുലി ഐസ്ക്രീം ഇക്കയല്ലേ ഓരുക്കൊരു എസ്.എം.എസ്സ് അയക്കാന്ന് പറഞ്ഞ് ആവേശം കൊള്ളട്ടേന്ന്. അല്ലേലും അടുത്ത എലക്ഷനാകുമ്പോള്‍ അളിയന്റെ മണ്ഡലത്തിലെ ആള്‍ക്കാര്‍ക്ക് നല്ല കോളാണ്. എലക്ഷന്‍ പ്രഖ്യാപിക്കണ അന്നുമുതല്‍ ആള്‍ക്കാര്‍കൊക്കെ ആടുബിരിയാണി ആയിരിക്കും സ്പോണ്‍സര്‍ ചെയ്യണത്. അതുകാത്തിരിക്കണ ആള്‍ക്കാരുണ്ടെന്നാണ് തൃശ്ശൂര്‍ റൌണ്ടില്‍ സംസാരം. എന്തായാലും ഇങ്ങള് നേരം കളയാണ്ടെ പറയാനുള്ളത് വല്ലതും ഉണ്ടേല്‍ പറ. ഇമ്മടെ ശാന്തേച്ചിയും അത് കേള്‍ക്കാന്‍ കൊതിച്ചിരിക്കാണ്.
No comments:
Post a Comment