സര്‍വ്വകലാശാല എന്നു പറയുമ്പോള്‍ തന്നെ അതില്‍ സര്‍വ്വ കലകളുടേയും ശാല എന്ന് ബോധം ഉള്ളവര്‍ക്ക് മനസ്സിലാകും. കാമകല എന്നു പറയുമ്പോള്‍ കാമം ഒരു കലയാണെന്നും ആര്‍ക്കും മനസ്സിലാകുവാന്‍ ബുദ്ധിമുട്ടില്ല. അപ്പോള്‍ സര്‍വ്വകലാശാലയില്‍ അല്പം കാമകലയൊക്കെ ആകാം എന്ന് കരുതിയവരെ കുറ്റം പറയാന്‍ പറ്റുമോ? അറിവുകള്‍ ആര്‍ജ്ജിക്കുവാനും ആര്‍ജ്ജിച്ചവ അന്യര്‍ക്ക് പകര്‍ന്നുകൊടുക്കാനും ആണല്ലോ ആള്‍ക്കാര്‍ ശ്രമിക്കേണ്ടത്. ആ നിലക്ക് ദാണ്ടെ സര്‍വ്വകലാശാലയില്‍ ചിലര്‍ ചേര്‍ന്ന് ഒരു നീലചിത്രം അതായത് മറ്റവന്‍ ബ്ലൂ ഫിലിം അതേന്ന് ഇമ്മടെ ബ്ലൂ എടുത്തൂന്നുള്ളതും എടുത്ത മൊതല്‍ പുറത്തായീന്നുള്ളതും ഇത്രവലിയ അപരാധം ആണോ? ഇമ്മടെ j.എന്‍.യു ഇല്ലേ. ഓ പുറത്തെക്ക് വലിയ ബുജികള്‍ടെ ഒക്കെ സര്‍വ്വകലാശാലയെന്നാണ് പറച്ചില്‍ എന്തൊ ആകട്ടെ. അവിടെ ദാണ്ടെ ഒരു പുതിയ പൊല്ലാപ്പും പുകിലും പുകയുമൊക്കെ ഉണ്ടായിരിക്കുന്നു. പണ്ടൊക്കെ വല്യ വിപ്ലകരമായ ചിന്തകളുടേയും സമരങ്ങളുടേയും പേരില്‍ ആയിരുന്നു പ്രസിദ്ധിയെങ്കില്‍ ഇന്ന് ദാണ്ടെ വാര്‍ത്തയില്‍ വന്നത് നീലചിത്രത്തിന്റെ പേരില്‍ ആണെന്നു മാത്രം.
ഇത് ക്യാമ്പസ് സിനിമകളുടെ കാലം ആണല്ലോ. ഇമ്മടെ കേരളത്തില്‍ എന്തിനു കേരളവര്‍മ്മയില്‍ വരെ ക്യാമ്പസ് സിനിമ ഉണ്ടായിട്ടുണ്ട്. അപ്പോള്‍ അതില്‍ ഒരു വല്യ പുതുമ ഒന്നും ഇല്ല. അപ്പോള്‍ അങ്ങ് ജെ.എന്‍.യുവിലെ ഏതാനും ചുള്ളന്മാരും ചുള്ളത്ത്യോളും ചേര്‍ന്ന് അവിടെ പഠിക്കുന്ന പെണ്‍കൊച്ചിനെയും വച്ച് ഒരു ക്യാമ്പസ് നീലന്‍ അങ്ങട് പൂശി. ഇമ്മിണി വല്യ ക്യാമറയൊക്കെ വച്ച് ചിത്രീകരിക്കാന്‍ ഉള്ള ശേഷി ഇല്ലാഞ്ഞിട്ടോ എന്തോ ഒരു ചുള്ളമണിയുടെ ലാപ്‌ടോപ്പ് ക്യാം വച്ചാണ് എടുത്തതത്രെ. ഹോസ്റ്റലില്‍ ആയിരുന്നു ലോക്കേഴനെന്നും കേള്‍ല്‍ക്കുന്നു. സംഗതി പുറത്തിറങ്ങി വില്പനവരെ ആയി. വിതരണത്തിനിടയില്‍ സംഗതി അധികൃതരുടെ ശ്രദ്ധയിലും പെട്ടു. അയ്ന്ന്റെ എടേല്‍ അസൂയകൊണ്ടോ എന്തോ ചിലര്‍ ചേര്‍ന്ന് ക്യാമ്പസ് നീലചിത്രത്തിലെ ഒരു അഭിനേതാവിനെ പിടിച്ചിട്ട് നടുമ്പുറത്തിനു പൂശീന്നും കേള്‍ക്കുന്നു.
സ്ക്രിപ്റ്റൊന്നും ഇല്ലാതെ തന്നെ സൂപ്പര്‍ ഹിറ്റായ ഇതിനെ ക്യാമ്പസ് ബ്ലൂഫിലിം സിനിമ എന്ന കറ്റഗറിയില്‍ പെടുത്തേണ്ട സംഭവത്തെ പലരും അപലപിക്കാനും ആപല്‍ക്കരമായ കാര്യമെന്നു പറയാനും വന്നിരിക്കുന്നു. എന്തായാലും മൊബൈല്‍ ഫോണും, ഡിജിറ്റല്‍ക്യാമറയും ഒക്കെ ചേറ്ന്ന് ഈ നെലക്കു പോയാല്‍ ഗതികെട്ട് ഒടുക്കം നീലചിത്രനിര്‍മ്മാണത്തില്‍ ബിരുധമോ ബിരുധാനന്തര ബിരുധമോ ഒക്കെ നല്‍കേണ്ട കാലം അതി വിദൂരമല്ലാതാകുമോ?
2 comments:
ലിങ്കു തന്നാല്‍ അഭിപ്രായം പറയാം
അഭിപ്രായം പറയണ്ട...
Post a Comment