അസാഞ്ചേ ആളത്ര മോശക്കാരനല്ലാന്ന് ആദ്യം അമേരിക്കക്കുതന്നെ പിടികിട്ടി പിന്നെ ആഗോളതലത്തിലുള്ളവര്ക്കും. വിക്കീലീക്സ് വഴി അങ്ങോളമിങ്ങോളം ഉള്ള അമെരിക്കന് എംബസ്സിക്കാര് ആരെപറ്റിയെന്തൊക്കെ പറഞ്ഞൂന്നുള്ളതൊക്കെ അങ്ങാടിപ്പാട്ടാക്കിക്കൊണ്ട് അവര്ക്കിട്ട് നല്ല എട്ടിന്റെ പണിതന്നെ ചുള്ളമണി കൊടുത്തു. അസാഞ്ചസ്സിന്റെ വെളിപ്പെടുത്തല് അക്ഷാര്ത്തത്തില് അര്ദ്ധരാത്രിക്ക് സൂര്യന് ഉദിച്ച അവസ്ഥയായി, അമേരിക്ക ആകെ അങ്കലാപ്പിലായി. രണ്ട് പെണ്ണുങ്ങള് അസാഞ്ചെ തങ്ങളുമായി ബന്ധപ്പെടുമ്പോള് മര്യാദപാലിച്ചില്ലെന്നും പറഞ്ഞ് കൊടുത്ത കേസില് അറസ്റ്റുചെയ്തു അകത്താക്കി അതോണ്ടൊന്നും അവന് ഒതുങ്ങുന്ന മട്ടില്ല. ജ്യാമ്യമെടുത്ത് പുറത്തുവന്നു.
ഇമ്മടെ സായ്ബ് ചെയ്തപോലെ ദാ അവന് (അളിയന്) ഇന്നെ പറ്റി ഇങ്ങനെ ഒക്കെ പറയാന് ഇടയുണ്ട് ഇങ്ങളാരും അത് വിശ്വസിക്കരുതെ കേട്ടാ..... ആളു ശരിയല്ല. അപ്പടി നൊണ്യാണ് പറയാന് പോണത്..... എന്നൊക്കെ പറയാന്നുവച്ചാല് രേഖകള് വിക്കീ ലീക്സായി അതോണ്ട് ഇനി വിക്കി വിക്കിപറയാന് പോലും അമേരിക്കക്ക് പറ്റില്ല.
ഇന്നലെ വരെ ഇമ്മളാരും അറിയാതെ ഇരുന്ന അസാഞ്ചേ ആളൊരു ഇന്റര്നാഷ്ണല് ഫിഗറായി. ആരായാലും അയാള്ക്കൊരു വീക്നെസ്സൊക്കെ ഉണ്ടാകും എന്നത് അറിയാമല്ലോ അധികം കാത്തിരിക്കും മുമ്പ്തന്നെ ആവഴിക്ക് ദാണ്ടെ ഒരു വെളിപ്പെടുത്തല് വന്നു. വിക്കീലീക്സ് കൂടാതെ അസാഞ്ചെ വേറെയും ചില വീക്നെസ്സും ലീക്സും ഉണ്ടായിട്ടുണ്ടെന്നും അങ്ങിനെ ലീക്കായ വകയില് ഉണ്ണികള് ഉണ്ടെത്രെ!! ഒന്നും രണ്ടുമല്ല അസാഞ്ചേക്ക് അവിടേം ഇവിടെയുമായി നാലു അവിഹിത സന്തതികള് ഉണ്ടെന്നാണ് ലേറ്റസ്റ്റായി ലീക്കായ വിവരം. അവസാനത്തെ സന്തതിക്ക് ആറുമാസമാണത്രെ പ്രായം. ഇതൊക്കെ അങ്ങേരുടെ കൂടെ ഉണ്ടായിരുന്ന പിന്നെ കൂട്ടം പിരിഞ്ഞു പോയ മുന് വക്താവ് ഡാനിയല് ഡോംഷിറ്റ് ബെര്ഗ് എന്ന ഒരു കുഞ്ഞാടിന്റെ പുറത്തിറങ്ങാന് ഇരിക്കുന്ന പുസ്തകത്തിലെ കുമ്പസാരമാണ്. എല്ലാ ഭൂഖണ്ഡത്തിലും ഒട്ടേറെ അസാഞ്ചുമാര് ഉണ്ടാകുന്നത് ചുള്ളനിഷ്ടമാണെന്ന് ഇടയ്ക്കിടെ പറയാറുണ്ടെത്രെ!!. അളിയനായാലും അനുയായിയായാലും അറിയാന് പാടില്ലാത്ത അറിഞ്ഞാല് അതെപ്പോളെങ്കിലും അവസരം നോക്കി അങ്ങ് അലക്കും എന്നത് ഒരു ഗ്ലോബല് സംഗതിയാണ്. അതോണ്ട് അവിഹിതത്തിനും അനാശാസ്യത്തിനു പോകുമ്പോള് ഇമ്മാതിരി ഐറ്റംസിനെ അറിയിക്കാതെ പോകുക. എന്തായാലും അസാഞ്ചേയുടെ ആഗ്രഹം ശാന്തേച്ചി കേള്ക്കണ്ട എനിക്കും വേണം ഒരു വിക്സ് ലീക്കുണ്ണിയെന്നും പറഞ്ഞ് പുറകെ പോകും.
1 comment:
ആരാ ഈ ശാന്തേച്ചി?
അസാഞ്ചേ ലീക്സും പുറത്തായി അല്ലേ? എന്തായാലും എഴുത്തിന്റെ ശൈലി ഇഷ്ടപ്പെട്ടു. ഇനിയും എഴുതുക.
Post a Comment