ആണായാലും പെണ്ണായാലും സില്‍മേന്റെ ഏരിയായില്‍ ആണോ കേരളം വിട്ട് അണ്ണാച്ചി നാട്ടില്‍ എത്തിയാലേ പലരും രക്ഷപ്പെടൂ. നടികളുടെ കാര്യം ആണെല്‍ പറയുകയും വേണ്ട. പാണ്ടി നാട്ടിലെ കാറ്റടിച്ചാല്‍ പെണ്ണുങ്ങള്‍ക്ക് പിന്നെ പലകാര്യത്തിലും പിടിച്ച് നില്‍ക്കാന്‍ ആകില്ലാന്നാ തോന്നുന്നത്. ഇവിടെ ഉള്ളതു മുഴുവന്‍ മൂടിവച്ച് കുടുമ്പത്തീ പിറന്ന പെണ്ണായി അഭിനയിക്കും, വാളയാര്‍ കടക്കേണ്ട താമസം ഉടുപുടവ ഊരാവുന്നത്ര ഊരി ഉള്ളത് പരമാവധി പൊക്കിക്കാണിച്ചോ നാനോ ബിക്കിനിയിട്ടോ ഒക്കെ ഓടിനടന്ന് അഭിനയിക്കും. പേരും പ്രശസ്തിയും പണവും പത്രാസും പത്രക്കാരും, പപ്പരാസികളും, പ്രെമക്കാരും ഒക്കെ പിന്നെ പുറകീന്ന് മാറില്ല.
അന്തിക്കാട്ടുകാരന്‍ അങ്കിള്‍ മലയാള സിനിമയ്ക്ക് പരിചയപ്പെടുത്തിയ നയന്‍സ് അഥവാ നയനതാരകം കേരളം വിട്ട് വെളിയില്‍ പോയതോടെ ആണ് പേരും പണവും പ്രശസ്തിയും ഒക്കെ ഇത്രയ്ക്കും ഉണ്ടായത്. ജയറാമേട്ടന്റെ നായികയയി വെറും നാട്ടിന്‍ പുറത്തുകാരിയായി മനസ്സിന്റെ അക്കരയില്‍ അഭിനയിച്ചത് മനസ്സില്‍ നിന്നും മായും മുമ്പേ തമിഴകത്തെക്ക് ചേക്കേറി. പറഞ്ഞു തീര്‍ന്ന നേരം കൊണ്ട് ആളാകെ മാറി. പിന്നെ എത്തിയത് ഐറ്റം ഡാ‍ന്‍സും അന്യായ ഐറ്റം ഡ്രസ്സുമൊക്കെയായി ആള്‍ക്കാരെ ഇളക്കാന്‍ പാകത്തിന്.
ചിമ്പുവുമായി ചുണ്ടുകൊണ്ട് ചില ചില്ലറ ഐറ്റംസ് ഒക്കെ ചെയ്തു. പടമെടുത്ത് പബ്ലിക്കായി പോസ്റ്റര്‍ പതിച്ചതും പാണ്ടിനാട്ടില്‍ പലയിടത്തും ട്രാഫിക് ബ്ലോക്ക് തന്നെ ഉണ്ടായത്രെ! എങ്ങിനെ ഉണ്ടാകാതിരിക്കും അമ്മാതിരിയല്ലേ ചുണ്ട് കടിച്ചീമ്പണത്. പോസ്റ്റര്‍ കണ്ടോനു കണ്ട്രോള്‍ കളയാതെ കണ്ടോണ്ട് നിക്കാന്‍ തോന്നിയ്ല്ലെങ്കിലേ അല്‍ഭുതമുള്ളൂ. ചുള്ളത്തിയെയും ചിമ്പുവിനെയും ചുറ്റിപറ്റി ചില ഗോസിപ്സ്റ്റ് കോടമ്പാക്കം അങ്ങാടീന്ന് കൊടകര വരെ എത്തി. ഗോസിപ്സിലൊന്നും ചുള്ളത്തി ചമ്മിപ്പോകും എന്ന് കരുതേണ്ട. ചുള്ളന്റെ സ്വന്തം പടത്തില്‍ അറിഞ്ഞ് ആര്‍മാദിച്ച് അഭിനയിച്ചു. കണ്ടവരില്‍ ചിലര്‍ കണ്ണുതള്ളി ഇരുന്നു പാട്ട് സീന്‍ കണ്ടു.
ഇതീടയില്‍ ആള്‍ കോടമ്പാക്കം കടന്ന് ആന്ധ്രയിലേക്കും എത്തി. അവിടേയും ഐറ്റംസ് കാട്ടി, പ്രതിഫലം കോടിയില്‍ ടച്ച് ചെയ്തു പ്രൊഡ്യൂസേഴ്സ് കോള്‍ഷീറ്റിനു കാത്തു നിന്നു. ഇതിനിടയിലും ചിമ്പുവുമായി ഉള്ള ചില പ്രേമത്തിന്റെ പേരും പരദൂഷണവും ചുള്ളത്യാരെ ചുറ്റിപറ്റി ചുറ്റിത്തിരിഞ്ഞു. ഇടയ്ക്കെന്തോ ചില ചില്ലറ വശപിശകുണ്ടായതോണ്ടോ എന്തോ രണ്ടും രണ്ടു വഴിക്കായി. ഒടുവില്‍ ആള്‍ തന്നെ സംഗതി ഡിക്ലയര്‍ ചെയ്തു. ആ പയ്യനുമായി ഇനി ഒരുമിച്ച് ഒരു പരിപാടിയും ഇല്ല. തെറ്റിദ്ധരിക്കല്ലേ അഭിനയം ഇല്ലാന്ന്.
അതൊന്ന് ഒതുങ്ങിയപ്പോള്‍ ആണ് കാതലന്‍ പ്രഭുവുമായി ഒരു കണ്ടുമുട്ടലും കൂട്ടു കൂടലും. പരിചയം പ്രേമത്തിലും ഒടുക്കം പേരു പച്ചകുത്തില്‍ലും എത്തി.
ഈച്ച് ഫോര്‍ മെയ്ഡ് അദര്‍ സോറി മൈഡ് ഫോര്‍ ഈച്ച് അദര്‍ എന്നും ഒരാളില്ലാതെ മറ്റൊരാള്‍ക്ക് ജീവിക്കാന്‍ പറ്റില്ലാന്നും പറഞ്ഞ നടക്കണൂ ഇപ്പോള്‍. ഇരുവരും ഒന്നിക്കുന്നതില്‍ ഇരുവര്‍ക്കും വിരോധമില്ല പക്ഷൈ നാട്ടുകാര്‍ക്കാണ് പ്രശ്നം.
ഇതാണ് അണ്ണാച്ചിമാരുടെ ഒരു കാര്യം. ആളെ ഇഷ്ടപ്പെട്ടാല്‍ പിന്നെ അമ്പലവും ആദരിക്കലും ഒക്കെയായി അങ്ങ്ട് ആര്‍മാദിക്കും. അതേ ആള്‍ തന്നെ എന്തെങ്കിലും ഇഷ്ടപ്പെടാത്തത് പറയേ, പ്രവര്‍ത്തിക്കേ ചെയ്താല്‍ ഉടനെ അവര്‍ അലമ്പുണ്ടാക്കും. ഖുശ്ബു ചേച്ചി/ആന്റിക്ക് അമ്പലം പണിത് അവിടെ പൂജയും പുഷ്പാര്‍ച്ചനും നടത്തിയവരാണ് അണ്ണാച്ചിമാര്‍. പെണ്‍കുട്ടികളുടെ അകത്തുള്ള ചര്‍മ്മത്തെ പറ്റിയു മറ്റും ആന്റി ചില സത്യങ്ങള്‍ ഒക്കെ തുറന്നു പറഞ്ഞു. അതോടെ തീര്‍ന്നു അമ്പലം പണിത് ആരാധിച്ചവര്‍ ഒക്കെ അവര്‍ക്കെതിരെ വാളും വട്ടകയുമായി ചാടി.
ഖുശ്ബുവിനു ശേഷം പിന്നെ അമ്പലത്തിനു ഭാഗ്യം സിദ്ധിച്ചത് നമ്മുടെ നയന്‍സിനായിരുന്നു. നയന്‍സിനു നട്ടെല്ലിത്താത്ത നര്‍ത്തകന്‍ എന്നു വിശേഷണമുള്ള നടനുമായി ചില ചുറ്റിക്കളികള്‍ ഒക്കെ ആയി വിവാഹിതര്‍ ആകാന്‍ പോണൂന്ന് കേട്ടതും അമ്പലക്കമ്മറ്റിക്കാരാണോ അതോ മറ്റു വല്ലവരുമാണോ എന്ന് അറിയില്ല ഇരുവരേയും ബഹിഷ്കരിക്കുവാന്‍ ആഹ്വാനവുമായി രംഗത്തെത്തിയിരിക്കുന്നു. പത്രങ്ങള്‍ അതൊക്കെ എടുത്ത് അച്ചടിമഷിയും പുരട്ടി പുറത്തിറക്കുന്നു ചാനലുകാരും മോശമാക്കിയില്ല.
നടത്തറ ശാന്തേച്ചി, കൂന്നമ്മാവ് കമലാക്ഷി, ജമീലാന്റി ഇവരൊക്കെ ചാരിത്രപ്രസംഗം നടത്തിയാല്‍ അത് കേട്ടിരിക്കുവാന്‍ ഒരു അന്തസ്സും ആഭിജാത്യവും ഉണ്ട്. എന്നാല്‍ മൂന്നും നാലും ചിന്നവീടുള്ള, അമ്മാതിരി റ്റീംസ് ഒക്കെ ആരാധ്യരും ആയ ഒരു നാട്ടിലെ ആള്‍ക്കാര്‍ ഇമ്മാതിരി കാര്യങ്ങളില്‍ കടും പിടുത്തം നടത്തിയാല്‍ എന്തു ചെയ്യും? ചിന്നവീടും അതിലെ മക്കളും തമിഴ്നാട്ടില്‍ അത്രവല്ല അപരാധം ഒന്നുമല്ല. അധികാര സോപാനത്തില്‍ അമര്‍ന്നിരിക്കുന്ന ആര്‍ക്കൊക്കെ ഇമ്മാതിരി ചിന്നവീടിരിക്കുന്നു. അതില്‍ ചിലര്‍ക്കൊക്കെ ഇപ്പോള്‍ തലവേദന ഇമ്മാതിരി സന്താനങ്ങളും ആ‍ണെന്ന് കേള്‍ക്കുന്നു. എന്നിട്ടാണ് ഇപ്പോള്‍ നമ്മുടെ നയന്‍സിന്റെ കാര്യത്തില്‍ അവിടെ ഒരു അലമ്പും കച്ചറയും ഒക്കെ.കഷ്ടം!!
ഒന്നുമില്ലേലും അറിഞ്ഞ് ആരാധിച്ചതല്ലെ ആനിലക്ക് അവരുടെ വിവാഹം ഒരു ആഘോഷമാക്കി നടത്തിക്കൊടുക്കൂ അണ്ണാച്ചി സുഹൃത്തുക്കളേ. കല്യാണം കഴിച്ചാല്‍ പിന്നെ കാര്യമായി ഒന്നും കാണിക്കില്ല്ലാന്ന് തെറ്റിദ്ധരിച്ചാണോ ഈ കലിപ്പൊക്കെ എന്ന് വാക്കേരിനു സംശയം. ഡൊണ്ട് വറി.... ഇമ്മള്‍ എത്ര കല്യാണം കണ്ടതാ... ഏത്!!
നമ്മുടെ നാട്ടിലേക്ക് നാരങ്ങമുതല്‍ നവസാരം വരെ ഇപ്പോള്‍ തമിഴ് നാട്ടിന്നു വരുമ്പോള്‍ കേരളത്തീന്ന് ആകെ അങ്ങോട്ട് കയറ്റിയക്കുന്ന പ്രധാന സംഗതി നടികള്‍ മാത്രമാണെന്നാ അസൂയാലുക്കള്‍ പറഞ്ഞുണ്ടാക്കുന്നേ. അഥവാ ഒരു നയന്തര പോയാല്‍ ഒമ്പതെണ്ണം വേറെ വരില്ലേ? ഡോണ്ട് വറീന്ന്...താറാവും കുഞ്ഞുങ്ങളെ നീന്തല്‍ പടിപ്പിക്കണ്ട വല്ല കാര്യവും ഉണ്ടോ.
3 comments:
ഇതാണ് അണ്ണാച്ചിമാരുടെ ഒരു കാര്യം. ആളെ ഇഷ്ടപ്പെട്ടാല്‍ പിന്നെ അമ്പലവും ആദരിക്കലും ഒക്കെയായി അങ്ങ്ട് ആര്‍മാദിക്കും. അതേ ആള്‍ തന്നെ എന്തെങ്കിലും ഇഷ്ടപ്പെടാത്തത് പറയേ, പ്രവര്‍ത്തിക്കേ ചെയ്താല്‍ ഉടനെ അവര്‍ അലമ്പുണ്ടാക്കും. ഖുശ്ബു ചേച്ചി/ആന്റിക്ക് അമ്പലം പണിത് അവിടെ പൂജയും പുഷ്പാര്‍ച്ചനും നടത്തിയവരാണ് അണ്ണാച്ചിമാര്‍. പെണ്‍കുട്ടികളുടെ അകത്തുള്ള ചര്‍മ്മത്തെ പറ്റിയു മറ്റും ആന്റി ചില സത്യങ്ങള്‍ ഒക്കെ തുറന്നു പറഞ്ഞു. അതോടെ തീര്‍ന്നു അമ്പലം പണിത് ആരാധിച്ചവര്‍ ഒക്കെ അവര്‍ക്കെതിരെ വാളും വട്ടകയുമായി ചാടി.
പ്രയോഗം ഇഷ്ടപ്പെട്ടു പാണ്ടി നാട്ടില്‍ പോയാല്‍ പിന്നെ മലയാളി നടിമാര്‍ ഉടുതുണി ഒക്കെ കുറച്ചാണ് അഭിനയം. മുക്ത കറുപ്പാനാ കയ്യാലേ... പാടി ആടണത് കണ്ടില്ലേ? വാക്കേറിന്റെ ഏറുകള്‍ കൊള്ളാം. ഇപ്പോള്‍ പോസ്റ്റുകള്‍ക്ക് എന്തോ ഒര്‍ഉ പഞ്ഞം ഉണ്ടോ?
നടത്തറ ശാന്തേച്ചി, കൂന്നമ്മാവ് കമലാക്ഷി, ജമീലാന്റി ഇവരൊക്കെ ചാരിത്രപ്രസംഗം നടത്തിയാല്‍ അത് കേട്ടിരിക്കുവാന്‍ ഒരു അന്തസ്സും ആഭിജാത്യവും ഉണ്ട്.
വളരെ കറക്റ്റ്.
നമ്മുടെ അഭിമാന താരം നയന്‍ താര.
Post a Comment